Seminariu iha Jacarta konaba Chega !
ONG´s sanulu resin hitu partisipa iha seminariu konaba Chega! iha Jakarta nia Biblioteca Nasional iha 1 Marsu 2007. Seminariu nee inclui exposisaun ho filme ho hetan partisipasaun husi ema 200.
Copias husi Chega! ho mos publicasaun seluk rai hela iha Biblioteca Nasional. Halo mos apresentasaun Chega! iha Jogyakarta, Surabaya ho Denpasar.
Publicasaun indonesia fo sai Chega!
Iha Marsu 2007, Aliansa Indonesia atu halo Socializasaun ba Chega! fo sai sumario ida konaba relatorio CAVR ho naran 'Chega! Pengungkapan Kebenaran Dan Rekonsiliasi di Timor Leste - Tuntutan dan Harapan Terhadap Indonesia'.
Relatório disponível hela iha CAVR nia site.
Palestras konaba Timor-Leste iha Irlanda
Colegio Trinity husi Dublin foin dadaun halao aulas konaba Lia Los, Reconsiliasaun no Justiça iha Timor-Leste - ka lai?, ho professor Direito Spencer Zifcak husi Universidade La Trobe iha Melbourne, Australia. Iha aulas nebe realiza iha 3 Abril 2007 mos koalia konaba CAVR.
CAVR iha Conferensia "Doing Sorry" nebe apresenta iha Reino Unido
Dr. Peter Carey ho mos Dr. Flavio Simões apresenta CAVR nia Prosesu Reconsiliasaun Comunitaria iha conferensia ida konaba Recuperasaun Justiça Alternativo nebe realiza ona iha loron 19 Marsu 2007 .
Ho titulo "doing sorry", conferensia analisa alternativas ba Justiça Punitiva ho inclui modelo CAVR hanesa issue internasional ida.
Conferensia nebe halo iha Colegio Templeton husi Oxford hetan partisipasaun husi polisia, funsionarius nebe servisu iha prisaun, assistente sosial sira no conselheiros husi fatin oin oin husi Grã-Bretanha.
Deputados husi Parlamento inglés hakerek ba Parlamento Timor-Leste konaba Chega!
Iha 24 Janeiru 2007, membros husi Parlamento Britânico hakerek ba Parlamento Timor-Leste konaba Chega! Ann Clwyd hanesa deputada ho presidente Grupu husi Partidos Tomak iha Parlamento ba Direitus Humanus iha Reino Unido mak assina carta ida atu husu ba Parlamento Timor-Leste atu "tuir hare ida nebe formal, iha considerasaun ba relatorio CAVR nian, suporta nia recomendasaun no hola responsabilidade atu halo monitorizasaun no supervisinamentu ba nia implementasaun".
Palestra iha Singapura konaba CAVR
Pat Walsh, consultor sénior ba Secretariado Tecnico Pos-CAVR halo palestra ida konaba CAVR ho Chega! iha Instituto Asiatico ba Investigasaun husi Singapura iha 23 Janeiru 2007. Professor sira husi Indonesia, Australia, Malasia no Singapura hola fatin iha audiensia. Copias husi Chega! rai hela iha ARI ho ISEAS nia bibliotecas.
Treinamentu Regional konaba Direitus Humanos inclui CAVR
Programa Treinamentu Diplomasia dedica loron ida hodi debate CAVR ho Chega!, iha Dezembro 2006, iha programa nebe realiza ona iha Baucau, Timor-Leste. Partisipantes hola fatin iha serie nebe hare konaba situasaun conflito ka marginalizasaun regional hanesa mos Papua, Sri Lanka, Cachemira, Birmania, Aceh, Australia ho Jakarta.
Livro americano inclui capitulo ida husi Chega!
Livro foun ida ho naran Atu combate genocidio iha Sudeste Asisático: Resistensia, Documentasaun, Rejeisaun no Justiça iha Camboja ho Timor-Leste inclui capitulo ida husi Chega!, konaba Resistensia iha Timor-Leste.
Livro nebe Ben Kierman, Professor Historia ho Director Estudos Genocidio iha Universidade Yale, hakerek, Transactions Book of Rutgers University mak sei publika iha 2007.
Livro Anual husi Direito halo comentario konaba Chega! nia destino
Livro Anual husi Direito Internacional Humanitario ba tinan 2005-2006 halo observasaun ruma atu hatudu Governo ho Parlamento nia sala tam ba la apresenta oficialmente Relatório CAVR.
Publicasaun australiano ho Chega!
Iha fulan Novembro, tinan 2006 liu ba, Centro Jesuita Social ho Assosiasaun Australia Timor-Leste publica resumo husi Relatório Chega! atu ajuda australiano sira bele comprende relasaun Relatorio ho Australia.
Relatorio ho naran Justiça ho Reconsiliasaun iha Timor-Leste disponivel iha ACTJET nia site.
Relatorio CAVR apresenta ona iha Parlamento Reino Unido
Relatorio CAVR nebe Governu Blair mak suporta, apresenta ona iha Londres iha 28 Novembru 2006. Evento nee halao iha Parlamento no Grupu Parlamentar ba Direitus Humanus, Tapol, Observatorio ba Direitus Humanus, Amnistia Internacional ho Progressio mak patrocina. Deputada Ann Clwyd preside acontecimento nee. Ex-Comissario husi CAVR, padre Juvito do Rego, Ivete Oliveira ho Embaixador Timor-Leste ba Reino Unido, José Amorim Dias, mak sai hanesa lia nain.
ICG hateten katak tenki simu recomendasaun husi Chega!
Iha relatório konaba problema actual iha Timor-Leste (Asia Report, nº 120, 10 Outubru, 2006), Grupu Crise Internacional hateten katak Governo Timor-Leste tenki simu ho implementa recomendasaun husi relatorio CAVR.
Fo sai katak recomendasaun " completo ho pratico e sei fo orientasaun util konaba politica mudansa (pag.22). Relatorio ICG analisa Chega! ho cuidado, hare mos nia rasaun historico no considera katak relatorio " sai hanesa historia extraordinaria Resistensia nian".
Chega! apresenta ona iha Australia
Ex-Comissaria CAVR, Isabel Guterres, ho Embaixador Timor-Leste, Francisco da Silva, hatoo lia fuan balu iha cerimonia hodi halo apresentasaun Relatorio CAVR iha Parlamento Camberra, iha 28 Novembru 2006.
Tuir lansamentu nee, senadora Natasha Stott-Despoja apresenta relatorio iha Senado australiano.
Copias husi Chega! rai hela iha Biblioteca Nacional ho Biblioteca Serviços Investigasaun Legislativu nian iha Parlamento.
Iha Novembro 2006, Chega! mos hetan lansamentu iha Sydney, Melbourne, Ballarat, Adelaide ho Perth. Coligasaun Australiana ba Justiça Transisaun iha Timor-Leste (ACTJET) simu responsabilidade atu halo diseminasaun ba relatorio iha Australia.
Dada Lia konaba CAVR iha Escandinavia
Reverendo Agustinho de Vasconcelos, Director Secretariado Tecnico pos-CAVR, halo visita ba Noruega ho Suecia, hahu 20 Setembru to´o 4 Outubru 2006 hanesa Instituto Vida ho Paz (LPS) nia bainaka. Nia partisipa iha conferensia ho envolve mos iha estudos konaba dame e nia mos fahe material CAVR nian ba deputados ho membros husi Governo Suecia ho Noruega, Universidade Uppsala ho mos organismos seluk tan.
Debate konaba CAVR iha Conferensia ida iha Phnom Penh
José Caetano, gestor Centro Documentasaun Pos-CAVR nian, koalia konaba Secretariado iha conferensia internacional ida nebe realiza iha Phnom Penh, Cambodja, hahu 28 to´o 30 Setembru 2006, konaba Holocaustos nebe acontece iha tempo uluk no Reconsiliasaun Nasional, nebe Instituto Cooperasaun ho Paz mak organiza ho Friedrich Ebert Stiftung nia apoio.
Participantes iha conferensia neba rona ho debate temas nebe apresenta konaba holocaustos nebe acontece iha tempo uluk iha Alemanha, Timor-Leste, Serra Leoa ho Ruanda.
Arquivos CAVR iha convensaun australiano
Maria Ângela Carrascalão representa Secretariado Pos-CAVR ho koalia konaba CAVR nia Arquivos iha Sociedade Australiana Arquivistas nia convensaun anual nebe realiza iha Port Macquarie, iha 18 to´o 21 Setembru 2006.
CAVR iha Conferensia iha Alemanha
Iha Berlim, realiza conferensia ida konaba Oin sa trata todan husi tempo uluk - Justiça Transisaun ho Democratizasaun iha 20 , 21 Abril 2006. Conferensia halo mos analise ba assuntus hanesa oin sa hatene se mak sai vitima, militarismo, feto nia intervensaun iha reconsiliasaun, criminoso nebe la interrogado ho comissaun lia los iha contextu balu nebe inclui Coreia, Cambodja, Afeganistão, Birmânia, Timor-Leste ho Alemanha Pós-funu.
José Caetano representa Secretariado Tecnico pos-CAVR iha conferensia nebe Friedrich Ebert Stiftung mak organiza ho cooperasaun husi Comisaun alemã ba Justiça ho Paz ho mos organizasaun indonesia Watch.
Grupu indonesio ida mos partisipa iha conferensia.
|
|
|
