Secretariado Técnico Pos-CAVR: Profil
1. Background
Presidente Kay Rala Xanana Gusmão harii Secretariado Técnico Pos-CAVR ho Governu nia kolaborasaun, iha 25 Dezembru 2005, atu tuir Komisaun Simu Malu, Lia Los no Rekonsiliasaun (CAVR) nebe ramata los iha loron ida neba´a.
Secretariado harii tuir konsulta nebe halibur Presidente, Governu Timor-Leste no Komissarius CAVR atu hare´e los koanba estatutu ho organizasaun foun nia funsaun. Iha momentu neba´a, deside kedas katak Sekretariadu tenke hetan orientasaun Tecnica exklusivu no tenke depende husi Presidente nia Gabinete. Tuir Relatoriu CAVR, STP/CAVR la os estensaun husi CAVR no mos la os instituisaun atu hela ba kleur. STP/CAVR la iha madatu atu halao knaar foun seluk konaba rekonsiliasaun. Lolos, organismu hanesan ida nee, bele hamosu deit tuir acto husi Parlamento.
2. Funsaun
STP-CAVR nia responsabilidade mak:
- Konpleta CAVR nia serbisu Tecnico balun hanesan konpleta kontabilidade CAVR nian atu Governu bele halo auditoria final, fo sai Cavr nia Relatoriu Chega!, publika Chega! iha livru no mos audensias publikas seluk, no mos halo livru ho versaun popular ba Chega!;
- Halo diseminasaun ba Chega! no produtos seluk hanesan, lolos ba komunidade Timor-Leste to´o nivel sub-disitritos;
- Administrasaun ho manutensaun patrimoniu Ex-Komarka Balide:
- Administrar a segurança e a organização dos arquivos do CAVR.
- Admnistrasaun konaba seguransa ho organizasaun ba CAVR nia arkivus.
3. Estrutura ho Rekursus Humanus
- Diretor Executivu: Rev. Agustinho de Vasconselos (ex-komissariu nacional CAVR nebe hola fatin tuir indikasaun husi Presidente Xanana Gusmão iha 20.12.05)
- Conseleiru Prinsipal: Pat Walsh
- Ekipa Sosializasaun (Koordenaor Nasional, Jaimito da Costa)
- Sentru Dokumentasaun nebe abranje mos arkivus, Bilioteka no Livraria (Gestor, José Caetano)
- Administrasaun ( Koordenador, Guilherme Caeiro) nebe inklui mos aprovisionamentu, rekursus humanus, komunikasaun, hamos fatin, segurnsa ho manutensaun. Finansas (Koordenadora, Lígia da Costa) ho knaar angariasaun fundus, fundus husi doador sira ho mos auditorias.
4. Durasaun ho calendarizasaun
Uluk liu, Secretariado hetan mandatu ba tinan ida, maibe Presidente Xanana Gusmão prolonga tan tempo ne´e to´o autoridades hetan desisaun ofisial atu harii instituisaun ida hodi continua nafatin secretariado ne´e. Husu atu prolonga tan tempo ho razaun katak sei iha serbisu barak atu halao no mos tan ba tempo serbisu pára tan ba crise nebe akuntese iha ddíli iha tinan 2006.
5. Fundus
Doador nebe fo fundus ho tulun hanesan ahan mak:
- Japaun: $79,663 (esclusivamente ba disemininasaun, asina iha 29 Marsu 2006).
- Noruega: $140,000
- GTZ: Euro 134,000
- UNDP: Conseleiru Principal
- Voluntárius Internasional Australiano (AVI): Diseminasaun/ Conseleiru.
Secretariado mos halao daudaun serbisu ho UCLA wainhira halo copia husi Arkivus CAVR balun ba British Library tuir nia programa atu salva arkivus nebe hetan susar.
|
|
|
