Preservasaun ba Arkivus nebe hetan perigo potensial iha Timor-Leste
Atu halao projetu ida nee presisa halo copia CAVR nia Arkivus balun ba British Library iha Londres ho hola fatin iha Programa foun liu konaba Arkivus nebe hetan perigo potensial.
Projetu ida nee Presidente Xanana Gusmão mak fo apoio, historiador Geoffrey Robinson, husi UCLA, mak halo concepsaun ho planeamento. Projetu nee mos buka fo garantias seguransa ba arkivus iha rai liur no mos ba investigador sira bele hetan asesu fasil.
" Labele iha duvidas konaba ba nesesidade nebe urgente atu halao nia preservasaun... problemas nebe akontese agora dadaun iha Timor-Leste hatudu los katak dokumentasaun nee hetan susar boot ba bebeik ", tuir dr. Robinson nia hakerek.
"Labele mos iha duvidas katak documentasaun hirak nee importante duni ba investigasaun tanba dokumentus nee representa colesaun nebe completo liu konaba tempo ida vital iha Timor-Leste nia Historia... no mos sai hanesan fatin ida atu simu conhecimento ho valor makaas ba estuda ho mos ba procesu legal ba crime contra umanidade".
Dados atu halo copia mak multi-media konaba audiensia publiku walu nebe CAVR halao tuir nia mandatu atu buka lia los. Copia nee ekipa arkivistas husi Post-Cavr mak halo tuir Jose Caetano nia lideransa no remata iha fulan Agosto 2007.
Ami sei iha esperansa katak bele haboot projecto nee atu permite halo tan copia husi colesaun unico hanesan ida nee ba British Library.
Foto British Library
Foto Centru Dokumentasaun STP-CAVR...
|
|
|
