Chega! Relatorio CAVR
Chega, lia fuan português ida ho signifikadu "nunka mais, pára, to´o ona". Lia fuan ida ne´e sai hanesan titulu ba Relatoriu CAVR tan ba nia hatudu lolos mensagem nebe vitima sira fo sai ba CAVR.
Atu violasaun ba direitus humanus hasouru vitima sira labele repete fila fali. Dalan diak liu atu prevene repetisaun mak labele husik katak iha impunidade ba ofensas no buka reforma no tuir dalan pratiku tuir rekomendasaun iha Relatoriu.
Chega! liu tahan 2500. Iha neba´a, sei hakerek konaba CAVR nia fundasaun ho aktividades, tulun ba vitima sira, serbisu ba rekonsiliasaun komunidade, buka lia los konaba violasaun direitus humanus hahu 25 Abril to´o 25 Outubru 1999, konklusaun no rekomendasaun. Fo sai violasaun direitus humanus hanesan tuir mai: auto-determinasaun, ema mate no lakon, mudansa obrigatoriu ho hamalaha, dadur ho tortura, violasaun lei funu, julgamentu politiku, violensia sexual, violasaun labarik nia direitus ho mos violasaun direitus ekonomikus no sosial.
Iha Chega! sei hetan mos estatistika ho grafikus barak, istoria badak ida ho apendise boot ida konaba ba violensia iha tinan 1999. Iha kapitulo ida konaba ba obrigasaun ho responsabilidade CAVR fo hatene nia desizaun konaba violasaun nebe Indonesia, FRETILIN, UDT no seluk tan la fo sai.
CAVR nia knaar mak hakerek Relatóriu ida inparsial no objectivu. Relatóriu ne´e hanesan matadalan ba se se mak envolve makaas atu halao konstrusaun ba Timor-Leste foun: Povo timor-Leste, Presidente Republika, Governu no Agensias, Parlamento, komunidade internasional ho doador sira.
Ami espera katak leitor sira la lakon interese tan ba Relatóriu ne´e boot duni. Maibe, sei iha seksaun independente nebe bele lê ida idak.
Citasaun positivo konaba Chega!
"Relatoriu CAVR nebe naruk sai hanesan enciclopedia ida konaba ita nia Historia, liu liu konaba ensinamento no sofrimento. Ita presisa usa ensinamentos hirak nee atu ita bele comprende diak liu tan crise nebe acontese agora dadaun no ajuda oin sa atu prevene katak crises labele acontese ba oin!
Jose Ramos Horta, Premio Nobel ba Dame, Primeiro-Ministro Timor-Leste, 10 Julhu 2006
"Relatorio nee boot duni, ho pormenor no objectivos los, atu fo hatene historia triste nebe acontece iha funu quarter ida husi seculo ida ho masacres, tortura, mudansa obrigatoriu, hamalaha no violasaun sistematika".
Tom Hyland, Editor Internacional husi jornal The Sunday Age, Melbourne .
"Relatoriu nee diak tebes. Itaboot of equipa tomak merese atu simu parabens ba itaboot sira nia serviço nebe kapaas".
Jane Stromseth, Professor Direito, Director husi Instituto ba Direitus Umanus iha Centro Direito Internacional husi Georgetown, Washington DC.
"Dokumentu ida nee mak importante liu konaba crimes contra humanidade nebe mosu ita Timor wainhira crise hahu iha 1975"
James Dunn, autor ba 'Timor-Leste: Dalan violento ba Independência".
"Chega! mosu hanesan recompensa ida ba se mak hakarak lia los no mos contribuisaun ida atu labele mosu tan violasaun direitus umanus".
Asmara Naban, ex- Responsável ba Comisaun Nacional Direitus Umanus
"Ho kbiit husi sumariu ho declarasaun ba realidade humano konaba violensia nebe povo Timor-Leste hasouru iha tinan 1975 to´o 1999 naton atu halo hau nia laran taridu wainhira hau lê livru nee."
Doug Hynd
"Tenki halo duni sosializasaun Chega! hodi fo hatene lolos ba povo Timor-Leste ho povo Indonésia facto historico sira."
Ade Rostina Sitompul, activista Direitus Umanus
"Relatorio CAVR sai hanesan marca ida nebe importante atu buka Justiça, lia los no reconsiliasaun iha Timor-Leste... Hau iha esperansa katak ida nee bele sai hanesan contribuisaun ba bebeik atu harii nasaun Timor no mos bele ajuda oin sa prevene atu akontecimentu aat liu labele mosu fila fali iha Timor-leste ka iha fatin seluk".
Kofi Annan, Secretario-Geral ONU nian, 26 Julho 2006"
"Ami nia organisaun haksolok ho CAVR nia knaar nebe notavel atu hatudu lia los konaba ba violasaun generalizada no sistematica contra direitus umanus iha tinan 1974 too 1999".
Amnistia Internacional iha Londres, Observatório ba Direitus Umanus, TAPOL, Progressio, Março 2007
Plain Guide
Sumariu Eksekutivu Chega..!
|
|
|
