Se mak halo produsaun?
Dalan Ba Dame CAVR (Komisaun Simu Malu, Lia Los no Rekonsiliasaun) mak enkomenda duni no filmaker Ian Wahite mak halo nia produsaun iha 2005.
Iha nebe´e mak hau bele hola?
Sekretariadu Tekniku Pos-CAVR sei sai mesak deit distribuidor ba filme Dalan Ba Dame.
Sekretariadu hetan mandatu husi Presidente Republika atu halo distribuisaun ba Relatoriu Chega! no mos material seluk nebe´e CAVR mak halo produsaun.
Distribuisaun ida ne´e tuir Sekretariadu nia missaun atu promove direitus humanus, não-violensia, responsabilidade no hakruuk ba lei iha Timor-Leste.
Se mak bele hetan kopia?
Distribuisaun ba filme ne´e halo deit iha Timor-Leste nia laran ba instituisaun ka organizasaun nebe´e envolve ho edukasaun formal no não-formal. Maibe la os hodi halo distribuisaun ba ema ka iha rai estranjeiru.
Oin sa kondisaun konaba utilizasaun filme n´e?
Organizasaun sira tenki hakerek no asina atu simu video no konkorda katak labele halo distribuisaun, kopia ka fa´an. Tenki konkorda mos katak presiza esforsa an atu usa duni video ne´e. Labele sente deit laran kontente wainhira hetan video ne´e ho halot deit iha prateleira ruma hanesan kolesaun.
Oin sa mak ami ida idak bele fo nia kontribuisaun rasik ba usa dididak Dalan ba Dame?
Diak duni se karik bele evita katak publiku nebe´e hare Dalan ba Dame la fo atensaun diak ba video ka hare deit video ne´e hanesan historia husi tempu uluk nian.
Iha Timor-Leste ita hetan bebeik situasaun susar. Tam ba ne´e Sekretariadu akonsela maluk sira hodi usa video ne´e atu hare oin sa ita bele promove hasoru maluk diak no halo kompromisu ida nebe´e tama los ita nia neon konaba direitus humanus, não violensia , responsabilidade no hakruuk ba lei.
Atu ajuda se deit mak iha interese atu usa didiak video ne´e, ami prepara hela instrusaun balun nebe´e bele hetan iha Sekretaridu atu fo apoio ba ema utilizador sira.
Dalan ba dame: instrusaun ba utilizador sira
Sekretariadu pos CAVR hahu ona halo distribuisaun filme Dalan ba Dame nebe´e CAVR nia produsaun rasik, ba instituisaun no organizasaun iha Timor-Leste nebe´e hakarak duni usa filme ne´e iha sira nia serbisu atu promove direitus humanus, não violensia responsabilidade no hakruuk ba lei.
Tenki fo atensaun espesial atu hatene oin sa usa video hodi halo promosaun prinsipius hirak ne´e ba juventude urbanu no mos ba organizasaun arte marsial sira.
Ami organiza instrusaun nebe´e sei tuir mai hodi ajuda oin sa utilizador sira bele usa diak liu tan video ida ne´e iha sira nia serbisu.
Dalan ba Dame ho Timor-Leste ohin loron
Iha tinan 2005 mak remata halo filme ida nebe´e hatudu periodu 1974-1999 tuir lolos CAVR nia mandatu.
Maski la hatudu buat ida konaba problema nebe´e akuntese ohin loron, filme ne´e sei mosu hanesan matadalan ba aspektus crise no sei iha mos lisaun nebe´e bele ajuda ba oin.
Sa ida mak Presidente Ramos-Horta hateten konaba Chega! sei valido mos ba Dalan ba Dame: " katak bele sae prosesu ida atu ita hotu bele aprende lisaun sira ne´e, ita sei la komete erros nafatin e nebe´e halo ita monu iha trajedia (aktual)
Filme ne´e konta periodu haat husi Timor nia historia:
- Periodu portugués
- Periodu 1974-1999 ho mos konflitu politiko internal
- Invasaun no okupasaun indonesio
- A utodeterminasaun 1999
Durante periodu ne´e, akuntese nafatin problemas hanesan balun nebe´e sei akuntese nafatin agora daudaun, hanesan tuir mai:
- Esperiensia nebe repete iha contestu violensia husi konflitu politiko;
- Violasaun ba direitus humanus
- La iha responsabilidade
- Divisaun politiku no konflitu
- Usa forsas seguransa atu servi politika
- Kilat no mos arma sira seluk namkari iha rai laran;
- Deslokasaun husi komunidade sira
- Crise humanitaria
Sa ida mak diferente deit mak agora daudaun Timor-Leste rai ida nebe´e hetan ona independensia no mos la hakruuk ba violensia ka forsa estranjeiru. Ba dala ida iha nia historia, Timor-Leste bele hili mesak nia dalan rasik.
Oin sa bele usa didiak Dalan ba Dame
Ami fo rekomendasaun ba utilizador sira atu tuir dalan tolu ne´e:
- Esplika ba publiku katak objektivu ezibisaun video mak ajuda Timor agora dadaun no mos iha tempo oin, tuir sa ida mak aprende husi nia pasadu rasik.
- Fo sai tahan ida ho kestaun badak 5 ka 6 no esplika katak sei fo resposta ba kestaun no sei halo debate tuir ezibisaun ka durante tempo seluk;
- Halo workshop ida ho publiku konaba kestaun sira, hakerek konklusaun no diskute oin sa bele implementa.
Koalia konaba itaboot nia susesu
Se bele karik, dehan ba ami oin sa itaboot usa filme. Ami nia laran haksolok wainhira itaboot hateten ba ami konaba itaboot sira nia esperiensia atu bele fo sai ba ema seluk.
Se karik hakarak tan informasaun, favor kontaktu ho: Jaimito C da Costa, Sekretariadu Téknicku Pós-CAVR, 723 4916 jaimitodacosta@yahoo.com
Banati kestaun ruma atu fo sai
|
|
|
